25 February 2017

கோயில் உலா : 28 ஜனவரி 2017

"பித்தா பிறைசூடீ பெருமானே அருளாளா
எத்தான் மறவாதே நினைக்கின்றேன் மனத்துன்னை
வைத்தாய் பெண்ணைத் தென்பால்வெண்ணெய் நல்லூர் அருட்டுறையுள்
அத்தா உனக்கு ஆளாய் இனி அல்லேன் எனலாமே."

என்று பித்தா என்று ஈசனை, சுந்தரர் அழைத்த தலமான, விழுப்புரம் மாவட்டத்திலுள்ள திருவெண்ணெய்நல்லூர் உள்ளிட்ட நான்கு கோயில்களுக்கும், சந்தானக்குரவரில் முதன்மையானவரான மெய்கண்டதேவர் முக்தியடைந்த இடத்திற்கும் 28  ஜனவரி 2017 அன்று தஞ்சாவூர் சைவ சித்தாந்த ஆய்வு மைய நிறுவனர் முனைவர் வீ.ஜெயபால் மற்றும் திருவாவடுதுறை சைவ சித்தாந்த பயிற்சி மைய திருச்சி கிளையின் தலைவர் திரு சண்முக சுந்தரம் ஆகியோரின் தலைமையில் சுமார் 60 பேர் அடங்கிய குழுவினர்  சென்றுவந்தோம். இந்த கோயில்கள் அனைத்தையும் இப்போதுதான் முதன்முதலாக நான் பார்க்கும் வாய்ப்பினைப் பெற்றேன். இந்த உலா மூலமாக சுந்தரர் சிவபெருமானை பித்தா என்றழைத்த கோயிலுக்குச் செல்லவேண்டும் என்ற 20 ஆண்டுகளுக்கு மேலான என் ஆசை நிறைவேறியது. இதுவரை சோழ நாட்டில் உள்ள கோயில்களைப் பார்த்துவந்துள்ளேன். முதன்முதலாக நடுநாட்டில் இவ்வாறாக ஒரே நாளில் கோயில்களைப் பார்த்தது மறக்கமுடியாத அனுபவம். (இக்கோயிலில் இருக்கும்போது நடிகர் திலகம் சிவாஜிகணேசன் சுந்தராக நடித்த திருவருட்செல்வரில் பித்தா பிறைசூடி பாடலைப் பாடும் நினைவு வந்தது)

திருநெய்வெணை சொர்ணகடேஸ்வரர் கோயில்
  
சொர்ணகடேஸ்வரர்-பிரஹன்நாயகி (ஞானசம்பந்தர் பாடல் பெற்றது) ஞானசம்பந்தர் கையில் தாளமின்றி, கை கூப்பிய நிலையிலும், சுந்தரர் நடன நிலையிலும் சிற்பங்கள் அமைந்துள்ள சிறப்புடைய கோயில். (சுந்தரர் என்று கூறப்படுகின்ற சிற்பம் சுந்தரர்தானா என்பது ஆய்வாளர்களால் உறுதிசெய்யப்படவேண்டிதொன்றாகும்) (உளுந்தூர்ப்பேட்டை கள்ளக்குறிச்சி சாலையில் கிமீ தொலைவிலுள்ள A.குமாரமங்கலத்திற்கு வடக்கில் கிமீ தொலைவில் உள்ளது)

திருவெண்ணெய்நல்லூர் மெய்கண்டதேவ நாயனார் கோயில் 
 
சந்தானக் குரவர்களுள் முதன்மையானவரும், சிவஞானபோதம் அருளியவருமான மெய்கண்டார் பிறந்து, வாழ்ந்து உபதேசம் பெற்று, முக்தியடைந்த இடம் - இனம் புரியாத ஒரு மன அமைதியைக் கொடுத்த கோயில். குழுவில் சென்ற பெரும்பாலானோர் அதனை உணர்ந்தோம். கோயிலில் மூலவருக்கான சிறப்பு அபிஷேகமும், பூசையும் கண்டோம். சிவஞானபோதம் எட்டாம் சூத்திரமான குருவருள் கேட்கின்ற (பொழிவு முனைவர் வீ.ஜெயபால்) இனிமையான வாய்ப்பினையும் பெற்றோம். 22 ஆண்டுகளுக்குப் பின் தற்போது இக்கோயிலில் குடமுழுக்கு நடப்பதற்கான ஏற்பாடுகள் நடைபெறுகின்றன. (திருவெண்ணெய்நல்லூரில் வடக்கு வீதியில் உள்ளது)

திருவெண்ணெய்நல்லூர் கிருபாபுரீஸ்வரர் கோயில் 


கிருபாபுரீஸ்வரர்-வேற்கண்ணிநாயகி. சுந்தரர் முதல் பாடல் பாடியப் பெருமையுடைய கோயில். சிவபெருமான் வழக்கிட்டு, சுந்தரரை ஆட்கொண்ட தலம். இக்கோயில் பற்றிய பதிகத்தில் சுந்தரர் ஒவ்வொரு பாடலின் இறுதியிலும் உனக்கு முன்பே ஆளாகிய யான் இப்போது அதனை இல்லையென்று கூறுதல் பொருந்துமோ என்னும் பொருள் படுமாறு அத்தா உனக்கு ஆளாய் இனி அல்லேன் எனலாமே என்று இறைவனைப் போற்றியுள்ளார். வழக்கு நடைபெற்றதை நினைவுகூறும் வகையில் வழக்கு தீர்த்த மண்டபம் உள்ளது. தற்போது கோயிலில் திருப்பணி நடைபெற்றுக்கொண்டிருக்கிறது.


திருமுண்டீச்சரம் சிவலோகநாதர் கோயில் 
சிவலோகநாதர்-சௌந்தர்யநாயகி (அப்பர்) வீரபாண்டியன் என்னும் மன்னனுக்கு இறைவன் திருநீற்றுப்பை (பொக்கணம்) தந்ததால் கல்வெட்டில் இறைவன் பொக்கணம் கொடுத்த நாயனார் என்று போற்றப்படுகிறார். இவ்வூர் கிராமம் என்று அழைக்கப்படுகிறது. (திருக்கோயிலூரிலிருந்து திருவெண்ணெய்நல்லூர் வழியாக அரசூர் செல்லும் பாதையில் சென்று திருவெண்ணெய்நல்லூரை அடுத்து 2 கிமீ தொலைவில் உள்ளது). 


திரு இடையார் கோயில் 
இடையாற்றீசர்-ஞானாம்பிகை (சுந்தரர்) (திருக்கோயிலூரிலிருந்து திருவெண்ணெய்நல்லூர் வழியாக அரசூர் செல்லும் சாலையில் சித்தலிங்க மடத்தை அடுத்து இடையாறு உள்ளது.T.எடையார் என்றும் இடையாறு என்றும் இவ்வூர் அழைக்கப்படுகிறது)

நன்றி
நடுநாட்டில் உள்ள 22 கோயில்களில் நான்கு கோயில்களுக்கும், மெய்கண்டதேவ நாயனார் கோயிலுக்கும் எங்களை அழைத்துச்சென்ற முனைவர் வீ.ஜெயபால் அவர்களுக்கும், திரு சண்முகசுந்தரம் அவர்களுக்கும் எங்களின் மனமார்ந்த நன்றி. 

18 February 2017

இலண்டனிலிருந்து தமிழ்நாட்டிற்கு : கார்டியன்

இலண்டனிலிருந்து தமிழ்நாட்டிற்குச் சுற்றுலா வந்த பயணியரின் எண்ணவோட்டங்களை அண்மையில் கார்டியன் இதழில் 17 டிசம்பர் 2016 அன்று வெளியான தமிழ்நாடு : நூற்றுக்கணக்கான கோயில்கள் ஆனால் மிகச்சில ஆங்கிலேயர்களைக் காணும் நிலை என்ற தலைப்பிலான கட்டுரையில் காண முடிந்தது. சுற்றுலா வந்த பயணியர் தமிழ்நாட்டைக் கூர்ந்து கவனித்து, அனுபவித்த விதம் நம்மை வியக்க வைக்கிறது.பிரிட்டனைச் சேர்ந்தவர்களுக்கு இந்தியாவைப் பற்றி தெரியுமா என்று கேட்டால் அவர்கள் கோவா, கேரளா, ராஜஸ்தான், தில்லி, இமயலை போன்றவற்றைப் பற்றிக் கூறுகின்றார்கள். தமிழ்நாட்டைப் பற்றி அவ்வளவாகத் தெரிந்திருக்கவில்லை. அவர்களுடைய அனுபவங்களில் சிலவற்றைக் காண்போம். (நன்றி : கார்டியன்)
  • தமிழ்நாடு : அழகான கடற்கரைகள், உலகின் மிகப்பெரிய கோயில்கள், தேயிலைத் தோட்டங்கள்....ஆனால் குறைந்த எண்ணிக்கையிலான ஆங்கிலேய சுற்றுலாப்பயணியர்கள். உலகின் 10 பெரிய இந்துக் கோயில்களில் எட்டு கோயில்களைக் கொண்ட பெருமை. அங்கார்வாட்டைவிடப் பழமை. உலகில் நெடுநாள் நாகரிகம்,  3800 ஆண்டுகளுக்கு மேற்பட்ட பண்பாட்டு வரலாறு. கலைக்குப் பெருமை சேர்த்த சோழர்கள் ஆண்ட மாண்பு. வாழை இலை போட்டு பத்துக்கும் குறையாத கூட்டு, பொறியலுடன் அப்பளத்தை வைத்து அவர்கள் சோறு சாப்பிடுவதும்,  காலை உணவில் இட்லிப்பொடி, தேங்காய் சட்னியுடன் ஊத்தாப்பம் என்ற நிலையில் வாய்க்கு ருசியாக மிகவும் சிறப்பாக அமைதல். கனவிலும் நினைத்துப்பார்க்க முடியாதனவற்றை காணும் வாய்ப்பு. 
  • தமிழ்நாட்டுக்கோயில்கள் சுற்றுலாப் பயணிகளின் கவனத்தை ஈர்ப்பது மட்டுமல்ல. தமிழக மக்களின் அன்றாட வாழ்வின் ஓர் அம்சம்.
  • கங்கைகொண்டசோழபுரம் : தற்போது சிறிய கிராமமாக இருக்கும் இவ்வூர் அந்நாளில் சோழர்களின் தலைநகரம். அழகாக பேணப்படுகின்ற தோட்டத்தைக்கொண்டு அமைந்துள்ள சூழலில் மிக நுணுக்கமாக செதுக்கப்பட்ட இறைவனின் சிற்பங்கள். தன்மீது படுகின்ற  சூரியக்கதிர்களை கோயிலின் உள்ளே அழகாக பிரதிபலிக்கின்ற, இறைவனின் வாகனமான புன்னகைக்கும் நந்தி. பெரும்பாலும் சுற்றுலாப்பயணியரைக் காணமுடியவில்லை. வழிபாட்டிற்காகவும், கொண்டாட்டத்திற்காகவும் வருகின்ற மக்கள். தலையில் அழகாக மலர்களைச் சூடிய மகளிர். கோயிலுக்கு வருவோர் அர்ச்சகரிடமிருந்து விபூதியைப் பெற்றுக் கொள்கின்ற அழகு.....
  • சிதம்பரம் நடமாடும் சிற்பங்களைக் கொண்ட அழகான கோபுரங்களுடன் காணப்படுகின்ற தென்னிந்தியக் கோயில்களில் குறிப்பிடத்தக்கது.
  • கும்பகோணம் தென்னிந்தியாவின் கேம்பிரிட்ஜ். 188 கோயில்களையும், சுற்றிலும் நூற்றுக்கணக்கான கோயில்களைக் கொண்ட ஊர். தென்னிந்தியாவின் சியம் ரீப் (அங்கார்வாட்டின் நுழைவாயில்) என்ற பெருமை. ஏழாம் நூற்றாண்டைச் சேர்ந்த ஆதிகும்பேஸ்வரர் கோயில். சட்டை இல்லாமல், திருநீற்றுடன் பல யாத்ரீகர்கள்.
  • தாராசுரம் யுனெஸ்கோவால் அறிவிக்கப்பட்ட மரபுச்சின்னங்களில் ஒன்று. நூற்றுக்கணக்கான நுணுக்கமான சிற்பங்களைக் கொண்டமைந்த தூண்களைக் கொண்டுள்ள கோயில்.
  • தஞ்சாவூர் பெரிய கோயில் : கி.பி.1010இல் கட்டப்பட்ட பிரகதீஸ்வரர் (பெரிய என்ற நிலையில்) கோயில் 60 மீட்டர் உயர விமானத்தில் 80 டன் எடையுள்ள கல். ஆயிரமாண்டு கால ஓவியங்கள் இன்னும் ஒளிமயமாக. 
  • மகாபலிபுரம் 1300 ஆண்டு கால பெருமையுடைய கடற்கரைக் கோயில் மற்றும் சிற்பங்கள்.
  • வால்ப்பாறை 1000 மீட்டர் உயரத்தில் 10000 ஏக்கர் பரப்பளவில் தேநீர்த் தோட்டம். உலகளவில் தேநீருக்கான நுகர்வு குறைய ஆரம்பிக்கவே தேநீர்ச் சுற்றுலா என்றளவில் சுற்றுலா முதன்மை.
  • பொங்கல் திருநாள் அறுவடைத் திருவிழாவான பொங்கல் திருநாளை தமிழர்கள் வரவேற்கும் விதம் அழகு.  பொங்குதல்  என்ற சொல்லிலிருந்து வருவது பொங்கல். பொங்கலின்போது தமிழ்நாடே மகிழ்ச்சி. இளையவர்களும் முதியவர்களும் புதிய ஆடை அணிந்து கொண்டு, வீட்டை அலங்கரித்தல். பலர் கரும்புக்கட்டுகளோடு. பெரும்பாலும் அனைவருடைய வீட்டின் முன்பும் வண்ண மயமான கோலங்கள். 
நன்றி:
மூலக்கட்டுரையிலிருந்து விவரங்கள் தொகுத்து தமிழில் சுருக்கமாகத் தரப்பட்டுள்ளன. கட்டுரையாளருக்கும், கார்டியன் இதழுக்கும் நன்றி. மூலக்கட்டுரையை வாசிக்க பின்வரும் இணைப்பைச் சொடுக்கலாம்: 

11 February 2017

The Hindu : நாளொரு சொல் : நவம்பர் 2016

முகநூலில் #thehinduநாளொருசொல் என்ற துணைத்தலைப்பில் 23 செப்டம்பர் 2016 தொடங்கி நாளொரு சொல் என்ற நிலையில் எழுதி வருகிறேன். கடந்த பதிவில் செப்டம்பர், அக்டோபர் 2016 பதிவுளைக் கண்டோம். இப்பதிவில் நவம்பர் 2016 பதிவுகளைக் காண்போம். இவையனைத்தும் The Hindu, Trichy Editionஇலிருந்து எடுக்கப்பட்டவையாகும்.  சொல்/சொற்றொடர், பயன்பாடு, தலைப்பு மேற்கோள், நாள், எனது கருத்து என்ற நிலையில் தந்துள்ளேன்.



asylee An asylee need not be a refugee...Indeed, asylum predates the refugee regime by several centuries.....(Case against a uniform asylum law, Bhairav Acharya, Op-Ed,  1.11.2016, p.9) attendee, absentee, detainee, deportee, escapee,interviewee, nominee, payee, refugee கேள்விப்பட்டுள்ளேன். இப்போதுதான் asylee பார்க்கிறேன்.

worm's eye view From the fighter cockpit to a wheelchair, from a bird's eye view to a worm's eye view of the world...Life was never the same..." Flight Lieutenant M.P.Anil Kumar wrote a few years ago.....(The extraordinary life of M.P.Anil Kumar, Josy Joseph, Op-Ed,  3.11.2016,  p.9)

peoples ......"Ambassador Verma has sought to visit every part of India, to be able to expand the relationship between the two countries and two peoples of our countries...I think he has visited some 22 of the 29 states................." (Ties with India will deepen regardless of who wins: US, Varghese K Geoege, 7.11.2016,  p.11)

good journalism, bad journalism In the high decibel media bashing, it is important to bear in mind the bservations made by Raj Kamal Jha, editor of The Indian Express, in the presence of the Prime Minister. "Good journalism is not dying; it is getting better and bigger. It's just bad journalism makes lot more noise than it used to do five years ago", (From the Reader's Editor, Self-criticism is integral to self-regulation, A.S.Panneerselvan, 7.11.2016,  Op-ed) 

frenemy "It is a combination of the words 'friend' and 'enemy'. A 'frenemy' is someone who....probably pretends to be your friend, but can't really stand you." (Know your English, S.Upendran, 7.11.2016, Education Plus, p.4) இரு சொல்லிணைப்பு புதிய பொருளைத் தருகிறது.

will go down in history Mr.Obama will go down in history as a President who oversaw a dangerous deterioration in U.S.-Russian ties post-Cold War.  (Obama's tricky legacy, Stanly Johny,  7.11.2016, Op-ed, p.9). வரலாற்றில் இடம்பெறுவார் என்ற நிலையில் பயன்பாடு

plastic patriot 
:  ...The soldiers' families can answer that.Only they can tell us about sacrifices so my son can celebrate in Berkeley, I here, and the "plastic patriots" in the social media. (A phone call from Abdul Majeed, S.Chatterjee, 8.11.2016, p.14) போலி தேசபக்தர் என்ற நிலையிலான பயன்பாடு

concession speech 
One will give a victory speech and the other will give a concession speech close to Tuesday midnight here.... (Finally, America chooses between Clinton and Trump, Varghese K.George, 9.11.2016, p.14)  (அமெரிக்கத் தேர்தலில் தோற்ற வேட்பாளர் ஆற்றும் உரை) 
ஹிலாரி கிளிண்டனின் (concession speech) உரையைக் கேட்க: 

Trumpocalypse The title of the editorial of even date is "Understanding Trumpocalypse". (Editorial, 10.11.2016, p.8) அமெரிக்கத் தேர்தலால் நமக்குக் கிடைத்த புதிய சொல்.
trumpocalypse. இச்சொல்லின் பொருள், பயன்பாட்டைக் காண்போமா?
1) The catastrophic destruction or damage of civilization following the election of Donald Trump as president of the United States of America. Millions of Americans will try to flee to Canada to escape The Trumpocalypse. (source: http://www.urbandictionary.com/)
2)from trump + apocalypse
the predicted end of the world that will accompany a trump presidency. (source: http://definithing.com/trumpocalypse/)
3) For the Republican party, it's Trumpocalypse Now, (source: The Guardian, 2 March 2016)
4) If the trumpocalypse actually hits you ll need this disaster preparedness bundle(source: https://bbs.boingboing.net/t/if-the-trumpocalypse-act…/82994, 9 March 2016)
5)A term used by opponents of 2016 Republican Presidential hopeful Donald Trump to describe what would happen to 47% of citizens in the United States if Trump was elected. (source: http://www.trumpocalypse.us/)
6)South Park Imagines the Trumpocalypse (source:http://www.theatlantic.com/…/south-park-speaks-the-…/407161/)
7) இந்த சொல் எவ்வாறு பிற இதழ்களில் பயன்படுத்தப்பட்டது என்பதை அறிய (source: http://www.dailymaverick.co.za/…/2016-11-10-us-2016-how-t…/…)

killing/killed 
Peter Sands of Harvard Kennedy School, one of the proponents of this idea of killing large currency notes, one later supported by former U.S.Treasury Secretary Larry Summers, argues....
The U.S. stopped issuing $500 notes in 1969, the European Central Bank halted 500-euro notes early this year, and Singapore killed its $10,000 note and Canada its $1,000 note in 2000.
(When cash is not king, Srivatsa Krishna, Op-Ed, 15.11.2016, p.9) அண்மைக்காலமாக இந்தியாவில் நாம் கேட்டுக் கொண்டிருக்கின்ற demonetisation என்ற சொல்லுக்கு நிகராக - stopped, killed, halted என்ற சொற்கள் பயன்படுத்தப்பட்டுள்ளன. 

Deepavali :   'Trump victory is a second Deepavali for Hindus': (Shalab Shalli Kumar, a key donor to Donald Trump's campaign, 16.11.2016, p.12) டிரம்பின் வெற்றி மற்றொரு தீபாவளி என்ற நிலையில்

right/wrong 
Ms Clinton was the right candidate at the wrong time ....... Mr Trump might have been the wrong man, but he was at the right place and at the right time...... (In an age of disruptive politics, M.K.Narayanan, Op-Ed, 21.11.2016, p.8) சரி/தவறு என்ற சொல்லாடலைப் பயன்படுத்தும் நிலையில். 

volumes 
Volumes have been written these past few days on the success of Donald Trump in the U.S. presidential elections. (In an age of disruptive politics, M.K.Narayanan, Op-Ed, 21.11.2016, p.8)
இதே பொருளில் reams என்ற சொல்லைமுன்னர் கேள்விப்பட்டுள்ளேன். நாகேஷ் இயற்கையெய்தியபோது கமல்ஹாசன் reams have been written about Nagesh என்று கூறியதாகப் படித்த நினைவு.

cashless The idea of cashless economies has been around for decades. Sweden, the leader in cashless transactions, started its cashless journey in the 1960s...... (Quick fixes for deep-rooted issues, Salman Anees Soz, Op-Ed, 22.11.2016, p.9). குறைந்த ரொக்கத்துடனான என்ற நிலையில்.

signature 
"It looks like I am more your salesman and promoter," veteran musician Balamuralikrishna had said with his signature hearty laugh to G.Raj Narayan of Radel Electronics, the pioneer of electronic tambura in Bengaluru...  (First to use electronic tambura, Ranjani Govind, 23.11.2016, p.7)
signature என்ற சொல்லுக்கு மற்றொரு பொருள. இங்கு அவருடைய பாணி, அவருக்கே உரிய, இலச்சினை, முத்திரை என்ற நிலையில் பொருள் கொள்ளலாம்.

idiot 
Justice Markandeya Katju has said that "90 per cent of Indians are idiots", that Gandhi was a British agent, and that Kashmir and Bihar should be offered to Pakistan as a "package deal"........
(Treat contempt with contempt, Abhinav Chandrachud, Op-Ed, 24.11.2016, p.9) வழக்கமாக பேச்சு வழக்கில் தமிழில் பயன்படுத்தும் சொல்.

Teflon-like quality 
It is pointed out that that compared to her competitors Ms Mamata Banerjee alone has the same skill sets as Mr Modi at the hustings: tenacity, the ability to connect with people, and a Teflon-like quality that ensures that nothing negative sticks to her. (Mamata Banerjee's new profile, Smita Gupta, 25.11.2016, p.9) எந்தவித எதிர்மறைப் பண்புகளும் அவரை நெருங்காத நிலையில் காணப்படும் குணம்.

cigar chomping Cuban, romance  
The cigar chomping Cuban's surprise appearance on the battlefield in 1973 during the height of the Vietnam War cemented an enduring romance between the Cold War-era allies.(Fidel's frontline visit cemented hero status in Vietnam, 29.11.2016, p.12)
இந்த இடத்தில் cigar chomping Cuban என்பது பிடல் காஸ்ட்ரோவையும், romance என்பது நல்லுறவையும் குறிக்கிறது. 

04 February 2017

ராஜ தந்திரம்

டிப்ளமசி என்ற ஆங்கிலச்சொல்லுக்கு 'அரசியல் செயலாட்சி நயம், நாடுகளிடைப்பட்ட இயைபிணக்க நயத்திறம், அரசியல்களிடைப்பட்ட செயலாண்மைத்திறம், சூழ்ச்சித் திறநயம், முறைநயம், செயல்நயம்' என்ற பொருள்களைத் தருகிறது சென்னைப்பல்கலைக்கழக ஆங்கிலம்-தமிழ் சொற்களஞ்சியம். சொல்லுக்கான பொருளிலேயே ராஜதந்திரம் பொதிந்துள்ளதைப் போன்று மிக அருமையான அதன் பயன்பாட்டு உத்திகள் தரப்பட்டுள்ளதைப் நோக்கும்போது சற்றே வியப்பாக உள்ளது. பல நிலைகளில் ராஜதந்திரம் என்பதானது கடைபிடிக்கப்பட்டுவருகிறது. நாடுகளிடையே காணலாகும் உறவை மேம்படுத்தவும், சரிசெய்துகொள்ளவும் இந்த ராஜதந்திரம் கடைபிடிக்கப்பட்டு வருகிறது. அது காலங்காலமாக பலவித பொருண்மைகளில் அமைந்து வருவதை வரலாறு நமக்குக் கூறுகிறது.  பிற நாடுகளும் இந்தியாவும் கடைபிடித்துவரும் சில ராஜ தந்திர முறைகள் வியப்பினை உண்டாக்கும். கடந்த 50 ஆண்டுகளுக்கும் மேலாகக் கடைபிடிக்கப்பட்டு வருகின்ற சில ராஜ தந்திரங்களைக் காண்போம்.

பிங்பாங் ராஜதந்திரம்/1970 (Ping-pong diplomacy): 
1970களின் ஆரம்பத்தில் அமெரிக்காவுக்கும் சீனாவுக்கும் இடையே மேசை டென்னிஸ் விளையாட்டு வீரர்களை பரிமாறிக்கொள்ளும் பிங்பாங் ராஜதந்திரம் ஆரம்பமானது. இதன் விளைவு சீன-அமெரிக்க உறவில் உள்ள விரிசலைச் சரி செய்து அமெரிக்க அதிபர் ரிச்சர்ட் நிக்சன் பீகிங் செல்ல காரணமானது.
மாம்பழ ராஜதந்திரம்/1980 (Mango diplomacy):
இந்தியப்பிரதமர் இந்திரா காந்தி அப்போதைய பாகிஸ்தான் அதிபர் ராணுவத்தலைவர் ஜியா உல்ஹக்கிற்கு மாம்பழங்கள் அனுப்பிய வகையில் மாம்பழ ராஜதந்திரத்தின் துவக்கம் (1980), இந்தியப்பிரதமர் வாஜ்பாயிக்கு பாகிஸ்தான் அதிபர் பர்வேஸ் முஷாரப் மாம்பழங்களை அனுப்பியது (2001), இந்தியாவிலிருந்து மாம்பழங்களை அமெரிக்காவிற்கு ஏற்றுமதி செய்து அதற்கு ஈடாக அமெரிக்காவிலிருந்து மோட்டார் சைக்கிள்கள் இந்தியச் சந்தையில் எளிதாகக் கிடைக்க வழிவகை செய்தது (2007), இந்திய பாகிஸ்தான் நாடுகளுக்கிடையேயான உறவில் காணப்படும் இறுக்கத்தைக் குறைப்பதற்காக இந்தியப்பிரதமர் மன்மோகன் சிங், பாகிஸ்தான் பிரதமர் கிலானிக்கு மாம்பழங்கள் அனுப்பியது, பாகிஸ்தானில் வெளியுறவுத்துறைச் செயலாளர்கள் நிலையிலான சந்திப்பும் மூன்றாவது சார்க் மாநாட்டின் உள்துறை அமைச்சர்கள் சந்திப்பும் நடைபெற்றபோது இந்தியாவிலிருந்து மாம்பழங்கள் அனுப்பியது,  அமெரிக்காவிற்கு எதிரான உணர்வுகளைக் குறைப்பதற்காக அமெரிக்கச் செயலர் ஹிலாரி கிளிண்டன் பாகிஸ்தானிலிருந்து அமெரிக்காவிற்கு மாம்பழங்களை ஏற்றுமதி செய்ய முயற்சி மேற்கொண்டது (2010), ஹிலாரி கிளிண்டன் பாகிஸ்தான் மாம்பழங்கள் மீதான தடையை நீக்க முயற்சி மேற்கொண்டது (2011), நியூயார்க் ஐக்கிய நாடுகள் சபையில் இந்தியப்பிரதமர் நரேந்திர மோடியை சந்திப்பதற்கு முன்பாக இந்திய பாகிஸ்தான் உறவை புதுப்பித்துக்கொள்ளும் வகையில் பாகிஸ்தான் பிரதமர் நவாஸ் ஷெரீப் இந்தியாவின் குடியரசுத்தலைவர் பிரணாப் முகர்ஜி, குடியரசுத் துணைத்தலைவர் ஹமீத் அன்சாரி மற்றும் வெளியுறவுத்துறை அமைச்சர் சுஷ்மா சுவராஜ் ஆகியோருக்கு மாம்பழங்களை அனுப்பியது (2014) ரம்ஜான் பண்டிகையையொட்டி பாகிஸ்தான் பிரதமர் நவாஸ் ஷெரீப் இந்திய ஜனாதிபதி பிரணாப் முகர்ஜிக்கும் பிரதமர் மோடிக்கும் மாம்பழங்கள் அனுப்பியது (2015) என்ற நிலைகளில் அதிகமான முறையில் பயன்படுத்தப்பட்டது மாம்பழ ராஜதந்திரம்.
Independent. 5 September 2014 
கிரிக்கெட் ராஜதந்திரம்/1987 (Cricket diplomacy):
ஆப்கானிஸ்தானை சோவியத் 1987இல் கைப்பற்றிய காலகட்டத்தில் சோவியத் யூனியனால் இந்தியா எதிர்கொண்ட தாக்கத்தைக் குறைக்க அந்நாளைய பாகிஸ்தான் அதிபரான ஜியா உல்ஹக் ஜெய்ப்பூரில் இந்தியாவிற்கும் பாகிஸ்தானுக்குமிடையே நடைபெற்ற கிரிக்கெட் போட்டியில் கலந்துகொண்டார். இந்தியாவில் நடைபெற்ற கிரிக்கெட் போட்டியைக் காண பெர்வேஸ் முஷாரப் இந்தியா வருகை (2005), 2008இல் நடைபெற்ற மும்பைத் தாக்குதலின் இறுக்கத்தினைக் குறைக்க இந்தியாவிற்கும் பாகிஸ்தானுக்குமிடையே மொஹாலியில் கிரிக்கெட் போட்டியின்போது மன்மோகன்சிங் சர்தாரியையும் கிலானியையும் அழைத்தமை (2011), ஆப்கானிஸ்தான் அதிபர் அஷ்ரப் கானி இந்திய அரசிடம் இந்தியாவில் ஆப்கானிஸ்தான் கிரிக்கெட் வீரர்கள் அந்த ஆட்டத்தை ஆடுவதற்காக கிரிக்கெட் ஸ்டேடியம் அமைக்கக் கேட்டுக்கொண்டமை (2015) என்ற நிலையில் இந்த ராஜதந்திரம் தொடர்கிறது.
Dawn, 15 November 2015
ராக்கெட் ராஜதந்திரம்/1995 (Rocket diplomacy):
ஒரு காலத்தில் விரோதிகளாக இருந்த நாடுகளான ரஷியாவிற்கும் இஸ்ரேலுக்கும் இடையே ராக்கெட் மூலமாக உறவு உண்டாகக் காரணமாக இருந்தது ராக்கட் ராஜதந்திரம். தன்னுடைய ஒரு ராக்கெட்டில் இஸ்ரேலிய விண்கலத்தை ரஷ்யா அனுப்ப மேற்கொண்ட முயற்சியே அது. 

பேருந்து ராஜதந்திரம்/1999 (Bus diplomacy): இந்தியப்பிரதமர் வாஜ்பாயி பயணித்துச்செல்ல பாகிஸ்தான் பிரதமர் நவாஸ் ஷெரீப் அவரை வரவேற்க இந்தியாவிற்கும் பாகிஸ்தானுக்கும் இடையே முதன்முதலாக தில்லி லாகூர் பேருந்து செயல்பாட்டுக்குவந்தபோது அறிமுகமானது பேருந்து ராஜதந்திரம். 
BBC, 20 February 1999
ரயில் ராஜதந்திரம்/2008 (Rail diplomacy):
டாக்காவிற்கும் கொல்கத்தாவிற்குமிடையே நட்பு ரயில் என்ற பெயரில் ரயில் போக்குவரத்து தொடங்கியபோது ரயில் ராஜதந்திரம் அறிமுகமானது. முதல் ரயில் பெங்காளி புத்தாண்டு தினமான ஏப்ரல் 14, 2008 அன்று இயங்க ஆரம்பித்தது. அண்டை நாடுகளுடனான நட்பினை மேம்படுத்த இந்தியப் பிரதமர் நரேந்திர மோடி ஆர்வம் காட்டும் சூழலில் மத்திய அரசு பங்களாதேஷ் நாட்டுடனான உறவை மேம்படுத்த ரயில் ராஜதந்திர உத்தியை மே 2016இல் கடைபிடிக்க ஆரம்பித்தது.

ஊஞ்சல் ராஜதந்திரம்/2014 (Swing diplomacy):
லடாக் பகுதியில் சீனா ஆக்கிரமிப்பில் ஈடுபட்டுக்கொண்டிருக்கும் வேளையில் எவரும் ஏற்காத வகையில் இந்தியாவில் சீன அதிபர் சீசின்பிங்க் இந்தியப் பிரதமர் நரேந்திர மோடியுடன் சபர்மதி ஆற்றங்கரையோரத்தில் ஊஞ்சலில் அமர்ந்து உரையாடியபோது கடைபிடித்தது ஊஞ்சல் ராஜதந்திரம். 

தேநீர் ராஜதந்திரம்/2014 (Tea diplomacy):
மோடி, அமெரிக்காவின் 11 முதன்மை நிர்வாக அலுவலர்களுக்கு டார்ஜிலிங், அஸ்ஸாம், நீலகிரி தேநீரை அன்பளிப்பாக வழங்கிய நிலையில் தேநீர் ராஜதந்திரத்தை கடைபிடித்தார். (2014) சேவை வரிகள் மற்றும் ஜி.எஸ்.டி.மசோதா தொடர்பாக நடுநிலையான தீர்வைக் காணும் எண்ணத்தில் பிரதமர் நரேந்திர மோடி காங்கிரஸ் தலைவர் சோனியா காந்திக்கும் முன்னாள் பிரதமர் மன் மோகன் சிங்கிற்கும் ரேஸ் கோர்ஸ் சாலையில் உள்ள தனது இல்லத்தில் தேநீர் விருந்தளித்து இம்முறையைப் பயன்படுத்தினார். 

விந்து ராஜதந்திரம்/2014 (Semen diplomacy):
கலிபோர்னியச்சிறையில் ஆயுள் தண்டனை அனுபவித்துக்கொண்டிருந்த கியூப உளவு அமைப்பின் தலைவர் 2245 மைலுக்கு அப்பால் உள்ள தன் மனைவியைக் கருத்தரிக்க அனுமதிக்க உத்தியான விந்து ராஜதந்திரம் (மார்க் ட்ரான், அமெரிக்கா-கியூபா உறவு : இப்படியும் ஓர் ராஜதந்திரம், தி இந்து, 5 ஜனவரி 2015)
Guardian. 22 December 2014
ஆடை ராஜதந்திரம்/2015 (Dress diplomacy):
அரசு நிகழ்ச்சிகளில் கலந்துகொள்ளும்போதும், அரசு அலுவலாக வெளிநாடுகளில் பயணிக்கும்போதும் பிரதமர் மோடி அதற்கேற்ற வகையில் முறையான ஆடையை அணிகின்றாரா என்ற ஒரு விவாதம் ஏப்ரல் 2015இல் நடந்தது. ஆடையில் அவர் கவனமாக இருக்கவேண்டும் என்ற நிலையில் ஆடை ராஜ தந்திரம் என்பது குறித்து அப்போது பேசப்பட்டது.  அக்டோபர் 2015இல் நடைபெற்ற மூன்றாவது இந்தோ -ஆப்பிரிக்க மாநாட்டில் கலந்துகொள்ளும் 54 ஆப்பிரிக்கத்தலைவர்களும் மாநாட்டிற்கு முன்பாக புகைப்படம் எடுத்துக்கொள்ளும்போது மோடி அணியும் வழக்கமான கையில்லாத சட்டை, நேரு பாணியிலான கோட் மற்றும்  பைஜாமாவை அணிய இந்திய வெளியுறவுத்துறை அலுவலகம் கேட்டுக்கொண்டது. இதன் முதல் மாநாடு 2008இல் இந்தியாவிலும், இரண்டாவது மாநாடு 2011இல் அடிஸ் அபாபாவிலும் நடைபெற்றது.  

செல்பி ராஜதந்திரம்/2015 (Selfie diplomacy):
ட்விட்டர் மற்றும் முகநூல் மூலமாக தன் வெளி நாட்டு மற்றும் உள்நாட்டுக் கொள்கைகளை எடுத்துச்செல்லும் செல்பி ராஜதந்திரம் என்ற நிலையில் மோடி முன்னிலையில் இருக்கிறார்.  ட்விட்டரில் ஒபாமாவுக்கு அடுத்த நிலையில் இருக்கும் மோடி, தன் கருத்துகளைப் பகிர்ந்துகொள்ள இந்த உத்தியைக் கடைபிடிக்கிறார். அவரது இந்த ராஜதந்திர உத்தி நட்புப்பாலம் கட்டவும் வழக்கத்திற்கு அப்பாற்பட்ட நிலையில் வெளிநாடுகளுடன் உறவை வைத்துக்கொள்ளவும் உதவுகிறது.
Telegraph, 12 November 2015
பேஸ்பால் ராஜதந்திரம்/2016 (Baseball diplomacy):
அமெரிக்க அதிபர் ஒபாமா மார்ச் 2016இல் கியூபா சென்றபோது கடைபிடித்தது பேஸ்பால் ராஜதந்திரம்.  வரலாற்றுச் சிறப்புமிக்க தன்னுடைய கியூபப் பயணத்தின்போது கியூபாவில் நடைபெற்ற பேஸ்பால் போட்டியை தன் குடும்பத்தினருடனும், ரால் காஸ்ட்ரோவுடனும் கண்டுகளித்தார் ஒபாமா. 
Washington Post
அமைதி ராஜதந்திரம்/2016 (Quiet diplomacy):
தென்சீனக் கடல் தொடர்பாக உலக நீதிமன்றம் அளித்துள்ள தீர்ப்பை ஏற்காமல் தன் எதிர்ப்பை வெளிப்படுத்தும் சீனாவினை அமைதிப்படுத்தும் நோக்கில் அமெரிக்கா அமைதி நிலையிலான ராஜதந்திரத்தை கடைபிடிக்க ஆரம்பித்துள்ளது. அதன்படி பிலிப்பைன்ஸ், இந்தோனேசியா, வியட்நாம் மற்றும் பிற ஆசிய நாடுகளை இப்பிரச்சினை உணர்வுபூர்வமாக அன்றி பகுத்தறிவு நிலையில் அமைதியாகக் கையாளப்படவேண்டும் என்று அமெரிக்கா கேட்டுக் கொண்டுள்ளது.
Reuters, 14 July 2016
நாய்க்குட்டி ராஜதந்திரம்/2016 (Dog diplomacy):
2012 பூகம்பம் மற்றும் சுனாமியின்போது உதவியமைக்கு நன்றி தெரிவிக்கும்வகையில் ஜப்பான் ரஷ்யாவிற்கு ஒரு ஆண் நாய்க்குட்டியை அன்பளிப்பாகத் தந்தது. ஜப்பான்-ரஷ்யா உச்சி மாநாட்டின்போது ஜப்பான் பிரதம மந்திரி ரஷ்ய அதிபருக்கு அதே வகை இனத்தைச் சேர்ந்த பெண் நாயை அன்பளிப்பாகத் தந்து நாய் ராஜதந்திரத்தை கடைபிடிக்க விரும்பியது. ஜப்பானின் செயலுக்கு ரஷ்யா மறுப்பு தெரிவித்துவிட்டது.

சுட்டுரை ராஜதந்திரம்/2016 (Twitter diplomacy):
நவாஸ் செரீப் பிறந்த நாள் தெரிவித்ததற்காக பிரதமர் மோடிக்கு செரீப்பின் மகள் டிவிட்டரில் நன்றி தெரிவித்தார்.
The Hindu, 27 December 2016
உள்நாட்டு நிலையில் என்பதைவிடவும் வெளிநாட்டு நிலையில் குறிப்பாக வெளிநாட்டு உறவினை மேம்படுத்திக்கொள்ள ராஜதந்திர உத்தி பல நிலைகளில் அரசியல்வாதிகளுக்கும் தலைவர்களுக்கும் நேரடியாகவோ ராஜதந்திர முறையிலோ பயனைத் தருகின்றது. சில நிலைகளில் எதிர்பார்த்த பலன் கிடைக்காமல் போவதும் உண்டு. இருந்தாலும் அனைத்து நாடுகளும் போட்டி போட்டுக்கொண்டு தத்தம் நாட்டினை காலங்காலமாக பல்வேறு வடிவங்களில் முன்வைத்துக் கொண்டு வருவதை இந்த ராஜதந்திரங்கள் காட்டுகின்றன. 

அண்மையில் நான் பார்த்த மற்றொரு டிப்ளமசி :
Gunboat diplomacy: A way of making another country accept your demands by using the threat of force (Oxford Advanced Learner's Dictionary, New 8th Edition, 2010)

துணை நின்றவை  
விக்கிபீடியா, Wikipedia, தொடர்புடைய தளங்கள்

8/2/2017இல் மேம்படுத்தப்பட்டது.