கும்பகோணம் சக்கரபாணி கோயில்

மகாமகத்தின்போது காவிரியாற்றில் தீர்த்தவாரி காணும் சார்ங்கபாணி கோயில், ராமசுவாமி கோயில், ராஜகோபால சுவாமி கோயில், சக்கரபாணி கோயில், வராகப்பெருமாள் கோயில் ஆகிய ஐந்து வைணவக்கோயில்களில் நிறைவாக சக்கரபாணி கோயில் செல்வோம், வாருங்கள். 

தீர்த்தவாரி காணும் 12 சைவக்கோயில்களுக்கும், ஐந்து வைணவக் கோயில்களுக்கும் கட்டுரை வழியாக என்னுடன் பயணித்த நண்பர்கள் அனைவருக்கும் நன்றி. 

கும்பகோணத்தில் காவிரியாற்றுக்குச் சற்றுத் தெற்கே உள்ள இக் கோயில் திருமழிசையாழ்வாரால் பாடப்பெற்றது.சக்கரராஜனுக்கு என்று அமைந்துள்ள ஒரே கோயில் என்னும் பெருமையுடையது இக்கோயில். சக்கரத்தினைக் கையில் கொண்டிருப்பதால் சக்கரபாணி என்று அழைக்கப்படுகிறார்.  தாயார் விஜயவல்லித்தாயார். மூலவருக்கு எதிரே கருடாழ்வார் உள்ளார். 

சக்கரபாணி கோயில் ராஜகோபுரம்

சக்கரபாணி கோயில் பெருமாள் சன்னதி

சக்கரபாணி கோயில் தாயார் சன்னதி

சக்கரபாணி கோயில் மற்றொரு வாயில்

-----------------------------------------------------------------------------------------------------

காவிரி ஆற்றில் தீர்த்தவாரி கொடுக்கும் வைணவக்கோயில்கள்

• சார்ங்கபாணி கோயில்
• ராமசாமி கோயில்
• ராஜகோபாலசுவாமி கோயில்
• சக்கரபாணி கோயில் (இப்பதிவில் நாம் பார்க்கும் கோயில்)
• வராகப்பெருமாள் கோயில்

-----------------------------------------------------------------------------------------------------

மகாமகத்தில் தீர்த்தவாரி கொடுக்கும் சைவக்கோயில்கள்

• காசி விஸ்வநாதர் கோயில் (நவ கன்னியர் அருள் பாலிக்கும் இடம்)
• கும்பேஸ்வரர் கோயில் (அமிர்தகலசத்திலிருந்து குடமூக்கு தங்கிய இடம்)
• நாகேஸ்வரர் கோயில் (வில்வம் விழுந்த இடம்) 
• சோமேஸ்வரர் கோயில் (உறி விழுந்த இடம்)
• கோடீஸ்வரர் கோயில், கொட்டையூர் (அமிர்தத் துளிகள் விழுந்த இடம்)
• காளஹஸ்தீஸ்வரர் கோயில் (சந்தனம் விழுந்த இடம்)
• கௌதமேஸ்வரர் கோயில் (பூணூல் விழுந்த இடம்)
• அமிர்தகலசநாதர் கோயில், சாக்கோட்டை (கலச நடுப்பாகம் விழுந்த இடம்)
• பாணபுரீஸ்வரர் கோயில் (வேடுவ உருவில் சிவன், பாணம் எய்த இடம்)
• அபிமுகேஸ்வரர் கோயில் (தேங்காய் விழுந்த இடம்)
• கம்பட்ட விஸ்வநாதர் கோயில் (புஷ்பங்கள் விழுந்த இடம்)
• ஏகாம்பரேஸ்வரர் கோயில் (மற்ற உதிரி பாகங்கள் விழுந்த இடம்)

-----------------------------------------------------------------------------------------------------

17 தீர்த்தவாரி கோயில்கள் உலா நிறைவு, நன்றி.

தயாரான நிலையில் மகாமகக்குளம், புகைப்படம் : ஜ.பாரத்

2016 மகாமக மலர் வெளியீடு
சரஸ்வதி மகால் நூலகம் சார்பில் நேற்று (10.2.2016) மகாமகம் சிறப்பு மலர் வெளியிடப்பட்டுள்ளது. 260 பக்கங்கள் கொண்ட இம்மலரில் மகாமகம் குறித்த அடிப்படைத் தகவல்கள், திருத்தலங்கள் குறித்த 50 கட்டுரைகள் இடம் பெற்றுள்ளன. இம்மலரைப் பற்றி மற்றொரு பதிவில் பார்ப்போம்.

12.2.2016 அன்று மேம்படுத்தப்பட்டது.